Ballade des menus propos Je congnois bien mouches en let*, *lait Je congnois à la robe l'homme, Je congnois le beau temps du let*, *laid Je congnois au pommier la pomme. Je congnois l'arbre à v(e)oir la gomme, Je congnois quand tout est de mesmes, Je congnois qui besongne ou chomme* *chôme Je congnois tout, fors que* moy mesmes. *hormis Je congnois pourpoint au colet, Je congnois le moyne à la gonne*, *robe Je congnois le maistre au varlet, Je congnois au voille la nonne, Je congnois quant pipeur* jargonne, *un trompeur Je congnois fols nourris de cresmes, Je congnois le vin à la tonne, Je congnois tout, fors que moy mesmes. Je congnois cheval et mulet, Je congnois leur charge et leur somme*, *fardeau Je congnois Bietris et Belet, Je congnois get* qui nombre et somme, *jeton Je congnois vision et somme*, *sommeil Je congnois la faulte des Boesmes, Je congnois le povoir de Romme, Je congnois tout, fors que moy mesmes. Prince, je congnois tout en somme, Je congnois coulourez et blesmes, Je congnois Mort qui tout consomme*, *d'etruit Je congnois tout, fors que moy mesmes. Francois Villon